Loading…

​Pompeo para vizitës në Greqi diskuton me Stoltenberg rreth tensioneve midis Athinës dhe Ankarasë

  • 27/09/2020 | 22:20

​Pompeo para vizitës në Greqi diskuton me Stoltenberg rreth tensioneve midis Athinës dhe Ankarasë

Sekretari i Shtetit Mike Pompeo bisedoi sot me sekretarin e përgjithshëm të NATO-s Jens Stoltenberg rreth tensioneve midis Greqisë dhe Turqisë në Mesdheun lindor.


Pompeo, i cili mbërrin sonte në një vizitë zyrtare në Greqi, shkroi në Twitter se ai kishte biseduar me Stoltenberg rreth “de-përshkallëzimit të situatës në Mesdheun lindor” dhe përsëri “vuri në dukje rëndësinë e unitetit të NATO-s”.

Marrëdhëniet gjithnjë të tensionuara midis Greqisë dhe Turqisë, dy anëtare të NATO-s, janë acaruar më tej këtë vit, për shkak të mosmarrëveshjeve të gjata, duke përfshirë çështjen e kufirit detar dhe të drejtës për të kërkuar depozitat e naftës dhe gazit në Mesdheun lindor. Greqia ka mbështetjen e fortë të Francës në këtë mosmarrëveshje.

Pompeo është planifikuar të arrijë në Selanik menjëherë pas mesnatës, si pjesë e një turneu pesë-ditor në Evropë, gjatë të cilit do të vizitojë Italinë, Vatikanin dhe Kroacinë.

Departamenti i Shtetit njoftoi se Pompeo do të takohet me kryeministrin grek Kyriakos Mitsotakis dhe ministrin e Jashtëm Nikolaos Dendias për të inkurajuar angazhimin e përbashkët të dy vendeve për forcimin e sigurisë, paqes dhe prosperitetit në Mesdheun lindor dhe për të treguar marrëdhëniet më të mira midis Uashingtonit dhe Athinës.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë