Loading…

​Samiti BE-Ballkani Perëndimor në Tiranë, Rama: Ngjarje historike

  • 01/12/2022 | 09:22

​Samiti BE-Ballkani Perëndimor në Tiranë, Rama: Ngjarje historike

Tirana do të presë më 6 dhjetor liderët e Bashkimit Evropian dhe të Ballkanit Perëndimor.


Kryeministri Edi Rama ka publikuar sot një foto të logos së takimit të samitit në rrjetin social Facebook, teksa shpreh kënaqësinë që samiti BE-Ballkani Perëndimor do të mbahet në Shqipëri.

Teksa e konsideron si një ngjarje historike, kreu i qeverisë shkruan se shqiptarët e shohin të ardhmen në familjen e madhe evropiane.

“Mirëmëngjesi dhe me kënaqësinë e vendit mikpritës për herë të parë të Samitit BE-Ballkani Perëndimor, një ngjarje historike, me respektin për ne që të ardhmen e shohim në familjen e madhe europiane, ju uroj një ditë të mbarë”, shkruan Rama.

Samiti është pjesë e zbatimit të Agjendës Strategjike të Këshillit Evropian 2019-2024, si dhe konsiderohet një mundësi për të rikonfirmuar rëndësinë kyçe të partneritetit strategjik midis BE-së dhe Ballkanit Perëndimor, një rajon me një perspektivë të qartë drejt BE-së.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë