Loading…

​Zjarret në Rugovë, ministri Mehaj flet për gjendjen

  • 01/08/2021 | 23:50

​Zjarret në Rugovë, ministri Mehaj flet për gjendjen

Operacioni i njësive të specializuara të FSK-së për lokalizimin e vatrave të reja të zjarrit në zonën pyjore në Shtupeq të Madh të Rugovës është zhvilluar nga orët e mëngjesit dhe po vazhdon edhe në këto momente.


Lajmi është bërë i ditur nga ministri i Mbrojtjes Armend Mehaj, përmes një postimi në Facebook.

Ai ka thënë se operacioni është zhvilluar gjatë ditës në koordinim dhe bashkëpunim me njësinë e helikopterëve të KFOR-it dhe njësisë së zjarrfikësve nga komuna e Pejës.

“Janë duke u bërë përpjekje të jashtëzakonshme për të lokalizuar vatrat e reja që janë shfaqur, sidomos në mbrëmje nga erërat e shfaqura që po vështirësojnë lokalizimin e tyre. Njësitet tona edhe pse ishin të gatshme për reagim në Shirokë të Suharekës, fatmirësisht, zjarri u lokalizua paraprakisht nga autoritetet civile”, ka shkruar Mehaj, duke shtuar se gjendja po monitorohet pandërprerë nga FSK-ja, e cila është në gatishmëri për reagim me të gjitha kapacitetet në dispozicion.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë