Loading…

10 fakte interesante rreth Bekim Fehmiut

  • Nga

  • 29/01/2017 | 17:56

10 fakte interesante rreth Bekim Fehmiut

Bekim Fehmiu ishte një aktor shqiptar, nga Kosova, i cili ka lindur në Sarajevë, por që një kohë të gjatë ka jetuar në Beograd, ku edhe ka vdekur në vitin 2010.


Babai i Bekim Fehmiut ishte nga Gjakova, Ibrahim Fehmiu, ishte patriot i shquar, njëri ndër mësuesit e gjeneratës së parë në Kosovë dhe propagandues i madh i arsimit në gjuhën shqipe.

Gazetametro.net ka përzgjedhur të shpalosë me ju disa ngjarje nga jeta e aktorit më të madh botëror me origjinë shqiptare.

1. Ai është aktori i parë shqiptar i filmit dhe i teatrit, i cili ka luajtur me sukses në filmat dhe skenat e gjithë hapësirës së ish-Jugosllavisë. Është bërë i njohur me filmin “Mbledhësit e Puplave” në vitin 1966. “Odisea”, ishte filmi që i dha famë ndërkombëtare Bekimit

bekim10

2.Ai ka bashkëpunuar me Xhon Hjustonin, Olivija de Hevilland, Ava Gardner, Robert Shou, Fernando Rej, Dirk Bogart, Sharl Aznavur, Irene Papas, Klaudia Kardinale, Kendis Bergen

3.Ka luajtur mbi 50 role, dhe është aktor i parë shqiptar që ka prekur Hollivudin

142477_fullBekim Fehmiu dhe Olivia de Havilland

4.Fehmiu ka dashur të luaj rolin e Skendërbeut, në filmin kushtuar heroit kombëtar Gjergj Kastrioti- Skendëbeu, por nuk ia dhanë atë rol, dhe e mori aktori rus. Gjithashtu deshi të luante Hamletin në Prishtinë, por skena e Teatrit Krahinor të Kosovës u tregua e vogël për të

5.Bekim Fehmiu ka interpretuar në shqip, serbisht, maqedonisht, turqisht, në gjuhën rome, në spanjisht, anglisht, frëngjisht dhe italisht

6.Është martuar me një  aktore serbe Branka Petiq, me të cilën ka dy djemë Uliksin dhe Hedonin. Kuptimi i emrit të djalit të Bekimit, Hedonit, është i lidhur me emrin e nënës së tij shqiptare Hedijes

branka2-1

7.Ai jetonte në Serbi, por e kishte bërë zakon viteve të fundit që katër muajt e verës t’i kalonte në Prishtinë, dhe kafe zakonisht pinte me miq në kafenenë e Kino ABC

8.Nga viti 1987, kur në mënyrë demonstrative braktisi shfaqjen “Madame Kolontine” të Anete Playel, ku luante Leninin dhe Stalinin, në teatrin jugosllav të dramës, ai i dha lamtumirën aktivitetit artistik në Jugosllavi

9.Ka shkruar edhe një libër autobiografik “Shkëlqim dhe frikë”, në vitin 2001

10.Fehmiu u gjet i vdekur në apartamentin e tij në Beograd  më 15 qershor 2010, ku sipas deklarimeve të dhëna nga serbët thuhet se ka kryer vetëvrasje, dhe dëshira e tij e fundit ka qenë t’i hidhet hiri në Lumbardh në Prizren, të cilën gruaja e tij serbe ia ka realizuar. /gazetametro.net

 

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë