Loading…

10 kompani dhe 3 individ janë akuzuar për vdekjen e 22 turistëve nga shpërthimi i vullkanit në Zelanden e Re

  • 30/11/2020 | 23:49

10 kompani dhe 3 individ janë akuzuar për vdekjen e 22 turistëve nga shpërthimi i vullkanit në Zelanden e Re

Autoritetet e Zelandës së Re ngritën akuza për shkelje të sigurisë të hënën kundër 10 organizatave dhe tre individëve pasi një shpërthim vullkanik në Ishullin e Bardhë vitin e kaluar vrau 22 njerëz. Transmeton Gazeta Metro


Ishulli kishte qenë një destinacion i njohur turistik para shpërthimit të 9 Dhjetorit, por shumë njerëz tani pyesin pse turistët u lejuan të vizitojnë vendin veçanërisht pasi ekspertët që monitoronin aktivitetin sizmik kishin alarmuar dhe autoritet ngritën nivelin e gatishmërisë së vullkanit dy javë para shpërthimit.

Emrat e të akuzuarve po mbahen sekret për tani nga autoritetet sipas rregullave ligjore të Zelandës së Re.

Por dy agjenci që mbështeten në financimin publik kanë zbuluar se janë midis atyre që janë akuzuar: GNS Science dhe Agjencia Kombëtare e Menaxhimit të Emergjencave. Disa nga të tjerët që akuzohen ka të ngjarë të përfshijnë kompani private të cilat morën turistë në ishull. Individët e akuzuar ishin drejtorë të kompanisë ose menaxherë.

Secila prej organizatave përballet me një gjobë maksimale prej 1.5 milion dollarë të Zelandës së Re apo afërishtë 1 milion euro. Çdo individ i akuzuar përballet me një gjobë maksimale prej prej 180 mijë euro.

Akuzat u sollën nga agjencia WorkSafe e Zelandës së Re dhe janë të ndara nga një hetim i vazhdueshëm policor për shpërthimin, i cili mund të rezultojë në më shumë akuza. Familjet e disa prej të vrarëve dhe të plagosurve gjithashtu kanë ngritur padi kunder tyre. Transmeton gazetametro.net

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë