10 mijë euro për transmetim të seancave të Kuvendit

Komuna e Prizrenit do të shpenzoj para nga buxheti i shtetit vetëm që të transmetoj mbledhjet e Kuvendit. 9 mijë e 900 euro ka planifikuar Komuna e Ramadan Mujës të shpenzoj vetëm për këtë pjesë.

Në përshkrimin e shkurtër të kontratës është bërë e ditur se çka saktë do të transmetohet, bashkë me sasinë e transmetimeve, shkruan Indeksonline.

“Do të bëhet transmetimi direkt i 15 seancave të Kuvendit të Prizrenit, transmetimi i 15 mbledhjeve të KPF, do të transmetohen rreth 6 tryeza dhe konferenca të ndryshme si dhe do të bartet në dvd materiali i incizuar nga këto aktivitete”, thuhet në tender.

Ende nuk dihet për kompaninë e cila do të përzgjedhet për të kryer këtë shërbim, pasi është bërë vetëm njoftimi për kontratë.