Loading…

100 ditë Qeveri Kurti: Çkapja nga SHBA

  • Nga

  • FATON ABDULLAHU

  • 13/05/2020 | 12:26

100 ditë Qeveri Kurti: Çkapja nga SHBA

Pas njëqind ditë qeverisjeje mund të thuhet se Qeveria Kurti do të mbahet mend gjatë për faktin se zgjati shkurtë. Ajo ka dhënë premtime të mëdha, por dështimet i ka enorme. Kështu Qeveria Kurti ka ardhur me premtimin se do ta çkap shtetin por në të vërtetë na çkapi nga SHBA-ja. Ajo premtoj se do ta luftoj nepotizmin (familjarizmin) por po zgjati edhe pak kjo qeverisje, do ta përjashton Kosovën edhe nga familja evro-atlantike ku për të hy aty, kemi dhënë shumë mund, mend e besa edhe gjak.


Shkruan: Faton Abdullahu

Qeveria Kurti fitoj vota edhe me premtimin se do ti hap kufijtë me Shqipërinë, bile edhe se do të na bashkoj me te, por ai hapi kufirin me Serbinë për teste, ilaçe e mjek nga atje, me çka rrezikoj sovranitetin të cilën e morri nën kontroll si kurrë më parë Beogradi zyrtarë. Me një fjalë Qeveria Kurti për herë të parë që nga paslufta e zyrtarizoj, bile edhe e bëri politikë qeveritare, dyshimin ndaj SHBA-s, konkretisht ndaj Administratës Tramp. Faza më e lartë e këtij dyshimi ishte, bindja qeveritare se SHBA-t kanë një marrëveshje sekrete të dëmshme për Kosovën e cila ka të bëjë me shkëmbimin e territoreve. Ky ishte justifikim zyrtarë për ta bishtëruar dialogun për të cilën kërkohej shumë, atë që Kryeministri Kurti nuk e pati hiç, pragmatizëm politik. Nuk e pati sepse Kurti dëshiron gjithmonë të ketë të drejtë, të jetë popullor, të përkrahet, ta duan dhe ta votojnë, por jo edhe detyrimisht të jetë i dobishëm për qytetarët dhe ti sjell të mira Kosovës. Thjeshtë Kosova fiton, vetëm nëse edhe Kurti fiton.

Nëse Kurti humb edhe Kosova duhet të humb, me patjetër. Me këtë logjikë, Kurti do ta kundërshtonte p.sh. Rambujen, sepse nuk do të pranonte asgjë më pak se pavarësi të plotë për Kosovën. Me këtë logjikë Kurti do ta kundërshtonte ta zëmë krijimin e TMK-së sepse nuk do të pranonte asgjë më pak se ushtri e mirëfilltë me kompetenca të plota. Duke e aspiruar të drejtën, pra atë që i takon ai do të humbte të mundshmen atë që mund të fitohej për momentin. Me këtë logjikë Kurti sot refuzon dialogun me Serbinë, prandaj sajon dhe akuzon SHBA-n, se ata paskan plan sekret kundër nesh. Thjeshtë Kurti është tutcan në politikë.

Protesta si kërcënim qeveritar ndaj Gjykatës Kushtetuese

Krejt kjo që thash për Qeverinë Kurti nuk është krejt. Përkundrazi ka edhe shumë e shumë gabime, lëshime e mangësi tjera të mëdha duke filluar nga bllokimi i fondeve të MCC dhe shkelja e Kushtetutës e deri tek ofendimet ndaj Grenellit për orientimin e tij seksual apo gafa mbi rritjen e punësimit në këtë kohë pandemie. Mirëpo ka edhe diçka që për mua këto ditë është posaçërisht brengosëse. Qeveritarët aktual në pyetjen e përsëritur se a do ta pranojnë vendimin e Gjykatës Kushtetuese, me përgjigje anashkaluese kanë lënë të nënkuptohet se e bëjnë këtë vetëm nëse është në favorin e tyre, përkatësisht nëse vendimi na dergon në zgjedhje të reja. Kjo qasje është një lloj kërcënimi ndaj Gjykatës e shkaktuar nga pushtetarët aktual në qeveri. Kjo po bëhet për herë të dytë brenda një periudhe të shkurtë kohore nga Qeveria Kurti. Për herë të parë kjo u bo me protesta në ballkone me gjygyma e tenxhere dhe me paralajmërim të protestave si dhe me vërsulje virtuale që në vete kishin edhe linçime e kërcënime që thënë përmbledhtazi ishte një tensionim i situatës me elemente bindëse për tu kthyer në trazira. Më pas Gjykata Kushtetuese vendosi që dekreti i Presidentit të vendit të pezullohet për një muaj. Të gjithë e përshëndetën këtë vendim, pos tjerash edhe me arsyetimin se ishte vendim i cili shtensionoj situatën që po merrte kahe të pakontrolluar. Si duket me këtë qasje Qeveria Kurti zbuloj celsin e veprimit tutje. Kështu për ta shtyrë Gjykatën Kushtetuese të veproj në favor të saj, ajo vetëm duhet ta tensionoj situatën, po ama ta tensionoj përnjëmend dhe të paralajmëroj trazira.

Sot këtë Qeveria po e bënë tërthorazi me paralajmërimin se do të ketë protesta nga ‘aktivistë të pavarur’ Gjykata, që të jetë në këtë situatë pragmatike, me qëllim të shtensionimit të gjendjes, do të marrë vendim që vendi të shkoj në zgjedhje, se përndryshe do të ketë protesta e trazira të paralajmëruara e të përkrahura nga aktivistë të dirigjuar drejtpërsëdrejti nga Qeveria në largim. Krejt kjo është e papranueshme dhe në të njëjtën kohë shumë e çuditshme se si një Qeveri me protesta në stilin opozitar mëton ta arrij një kauzë të saj politike. Krejt kjo në kohë pandemie dhe në prag të ballafaqimit të fundit meSerbinë. Krejt kjo në emër të patriotizmit, barazisë dhe çkapjes së shtetit.

(Autori është analist i njohur politik dhe kjo kolumnë është shkruar për Gazetën Metro)

 

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë