Loading…

100 gjoba për kompanitë, Inspektorati i Punës: Ndërtimtaria prin me shkeljen e të drejtave të punëtorëve

  • 23/02/2021 | 10:01

100 gjoba për kompanitë, Inspektorati i Punës: Ndërtimtaria prin me shkeljen e të drejtave të punëtorëve

Ushtruesi i detyrës së Kryeinspektorit në Inspektoratin e Punës, Agim Millaku ka thënë se kanë shqiptuar rreth 100 gjoba ndaj kompanive për mosrespektim të të drejtave të punëtore në vendin e punës në muajt e parë të këtij viti.


Ai thotë se qëllimi i tyre s’është dënimi ndaj kompanive, por vetëdijesimi për respektim të të drejtave të punëtorëve.“Ne jemi institucion-organ që bëjmë mbikëqyrjen e zbatimit të ligjeve. Në të shumtën e rasteve në subjektet ku është inspektuar kanë kaluar pa ndonjë gjobë që janë bërë me mijëra inspektime ku kemi diku një numër të vogël të gjobave ndoshta mbi 100”.

“Por dosido janë gjoba në numër të madh sepse qëllimi ynë nuk është për të gjobitur subjektet por qëllimi është të zbatojmë ligjin dhe të vetëdijesohemi në mbrojtjen e jetës së punëtorëve në respektim e të drejtave që dalin nga marrëdhënia e punës, mes subjektit dhe punëtorit”, është shprehur ai.

Sipas Millakut aktualisht sektori i ndërtimtarisë mbetet një nga vendet e punës me rrezikun më të lartë, ku janë shënuar numër i madh aksidentesh.“Për momentin sektori më i rrezikshëm në vende të punës është prezantuar sektori i ndërtimit. Këtu kemi numërim më të madh të aksidenteve kryesisht kemi aksidente si pasojë e rënies nga lartësia”.

“Pjesa dërmuese e tyre janë mosmarrja e masave të sigurisë në punë që mos me ra prej lartësisë kur kanë marramendje rrëshqasin ose bijën në ndonjë vrimë të hapur për qëllime të vendosjes së ashensorëve ose shkallët janë pa rrethoja, pa mbrojtje në ndërtim e sipër”.

“Raste më të pakta kemi aksidente për pasojë të mosmarrjes së masave personale mbrojtëse siç është helmeta, rrobat e punës e këpucëve të punës”, ka shtuar ai për EO.

Tutje Millaku ka treguar se inspektorati mbikëqyrë zbatimin e të drejtave në marrëdhënien e punës, sigurisë dhe shëndetit në punë andaj çdo shkelje e këtyre do të ndëshkohet më gjobë.“Inspektorati i punës e bën mbikëqyrjen e zbatimit në të drejtën e marrëdhënies së punës, sigurisë së punës dhe shëndetit në punë që nuk mund të themi se këtu ose aty shkelet më shumë ose më pak”.“Shkelja është shkelje dhe secila duhet ose të përmirësohet ose duhet të shqiptohet masa të gjobës për mospërmirësim nga subjektet në kuptimin e realizmit të të drejtave të punëtorëve që dalin si rezultat i dispozitave të caktuara ligjore”, ka përfunduar Agim Millaku.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë