11 vjeçari viktimë e qenve endacakë
-
15/12/2016 | 21:47
Një fëmijë 11 vjeçar është sulmuar nga një grup qenësh endacakë te “Banesat e Bardha” në Bregun e Diellit, në kryeqytet, shkruan Gazeta Metro.
Ai ka pësuar lëndime dhe është dërguar për trajtim mjekësor.
Arta Hoxha, familjare e fëmiut në fjalë, ka treguar për gazetametro.net se kjo nuk është hera e parë që fëmijët, por edhe të rriturit, sulmohen nga qentë endacak.
“E kanë kafshuar djalin e vajzës së axhës tim. Shkolla është dy minuta prej banesës sonë. Unë edhe të gjithë të tjerët që jetojnë tek banesat e bardha edhe përreth jemi të detyruar që çdo ditë t’i përcjellim fëmijët deri në shkollë”, shprehet Arta.
Për Gazetën Metro, ajo shfaq mllefin e saj ndaj institucioneve që nuk kujdesen për qentë endacak, të cilët çdo ditë po kërcënojnë banorët e kësaj lagje.
“Por jo vetëm fëmijët janë të sulmuar nga qentë. Një ditë e kanë sulmuar edhe gruan e një kolegut tim. Unë vetë e kamë parë prej ballkonit tim një qytetar duke luftuar me qentë. E kishin rrethuar katër – pesë qenë”, thotë Arta./gazetametro.net
