Loading…

11 vjet nga vdekja e ‘Kasapit të Ballkanit’

  • 11/03/2017 | 19:38

11 vjet nga vdekja e ‘Kasapit të Ballkanit’

Janë bërë 11 vjet qysh nga koha kur ndërroi jetë ish-presidenti i Serbisë dhe Republikës Federative të Jugosllavisë Slobodan Miloshevic, i cili njihet edhe si kasapi i Ballkanit.


 

Miloshevic akuzohej për krimet që kishte kryer në Kroaci, Bosnje e Hercegovinë dhe Kosovë, transmeton gazetametro.net.

Kujtojmë se Slobodan Miloshevic është arrestuar me 1 prill të vitit 2001, ndërsa po ashtu në këtë vit me 28 korrik, është depërtuar në Hagë. Kështu Milosevic u bë kreu i parë europian i shtetit që do të ndiqej penalisht për gjenocid dhe krime lufte.

Ai, vdiq me 11 Mars të vitit 2006 në njësi të paraburgimit të Tribunalit të Hagës.

Milosevic u raportua se vdiq nga gjendja e keqe shëndetësore. Raportohet po ashtu se katër muaj para vdekjes, Miloshevic ishte ekzaminuar nga specialistë nga disa shtete të ndryshme, dhe i sugjeruan të bëjë ekzaminime në institutin e njohur rus Bakuljev, por trupi Gjykues ia kishte refuzuar këtë kërkesë të mjekëve specialistë, transmeton Gazeta Metro.

Pas katër dite pasi që ndërroi jetë, trupi i tij u dërguar në Beograd dhe u ekspozuar në ndërtesën e muzeut “25 maj”.

Ai, u varros në oborrin e shtëpisë së tij me 18 mars në Pozharevac. Në po këtë vend u lind dhe u rrit.

Miloshevic u ngrit në pozitë në vitin 1987, kur ai u bë i njohur si zëdhënës për nacionalistët serbë në ish-Jugosllavi.

Erdhi në pushtet në vitin 1990 si president i Serbisë dhe në vitin 1997 u bë president i Jugosllavisë.

E mbajti këtë pozitë deri më 5 tetor 2000, moment ky kur u rrëzua nga opozita. /gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë