Loading…
16 shtete padi kundër Trump: Po abuzon me fondet
  • 19/02/2019 | 09:11

16 shtete padi kundër Trump: Po abuzon me fondet

16 shtete amerikane, te drejtuara nga Kalifornia janë bërë bashkë për të paditur administratën e presidentit Donald Trump mbi vendimin e tij për të shpallur gjendjen e jashtëzakonshme në kufirin me Meksikën, çka i lejon përdorimin e fondeve të emergjencës për ngritjen e murit.

Padia u paraqit në gjykatën për Qarkun e Veriut të Kalifornisë. Kjo lëvizje vjen vetëm pak ditë pasi trump aktivizoi kompetencat e jashtëzakonshme me qëllimin të anashkalonte Kongresin e te siguronte kësisoj financimin e projektit – një premtim qendror fushate ky i manjatit të shndërruar në politikan.

Prokurori i Përgjithshëm i Kalifornisë Xavier Becerra tha se po e merrnin kreun e shtetit në gjykatë “për të bllokuar shpërdorimin e pushtetit presidencial nga ana e tij”.

“Po e ngremë këtë padi kundër presidentit Trump për ta ndaluar të përdorë në mënyrë të njëanshme fondet e tatimpaguesve, të lëna mënjanë në mënyrë legjitime nga kongresi për njerëzit e shteteve tona. Për shumicën prej nesh, zyra e presidencës nuk është një vend për teatër”, tha Xavier Becerra, Prokuror i Përgjithshëm, Kaliforni.

Trump njoftoi planin e tij pasi kongresi i refuzoi fondet për ndërtimin e murit.

Koalicioni i 16 shteteve argumenton se urdhri i tij për të devijuar fondet do t’i kushtoje atyre miliona dollarë, duke i dëmtuar ekonomitë.

Ligjvënësi demokrat Adam Schiff, kryetar i komisionit të Zbulimit në Dhomën e Përfaqësuesve i tha rrjetit televiziv deklaroi se qëndresa në këtë rast është e domosdoshme.

Nëse dorëzohemi, u shpreh ai, do të prishet parimi i kontrollit dhe balancës së pushtetit. Nuk do të ketë ndarje të pushteteve, por vetëm një ndarje në linja partiake”.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +386 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë