17 vite nga vdekja e Michael Jackson: Misteret e detajet e fundit që tronditën botën

Kanë kaluar gati dy dekada nga vdekja e Michael Jackson, por rrethanat e fundit të jetës së tij vazhdojnë të mbeten ndër më të përfolurat në opinionin publik.

Në atë periudhë, ai po përgatitej për turneun “This Is It”, i cili pritej të shënonte rikthimin e tij në skenë. Sipas raportimeve, Jackson vuante nga pagjumësia dhe trajtohej nga mjeku i tij personal, Conrad Murray, i cili i kishte administruar Propofol, një anestetik i përdorur në kushte spitalore.

Më 25 qershor 2009, pas një doze të fundit të këtij ilaçi, këngëtari pësoi ndalim të frymëmarrjes dhe arrest kardiak. Pavarësisht përpjekjeve për reanimim dhe ndërhyrjes së shërbimeve emergjente, ai u shpall i vdekur në një spital në Los Angeles.

Autopsia zyrtare konfirmoi vdekjen si pasojë e intoksikimit akut me Propofol, i shoqëruar edhe me përdorim të barnave të tjera qetësuese. Hetimet e mëvonshme e klasifikuan rastin si vrasje nga pakujdesia, duke çuar në gjykimin dhe dënimin e mjekut të tij personal, i cili u shpall fajtor dhe kreu rreth dy vite burg.

Vdekja e Jackson shkaktoi reagim të madh global, me homazhe masive dhe rritje të interesit për muzikën dhe trashëgiminë e tij artistike.