Loading…
18 minuta duartrokitje, përlotet Ermonela Jaho dhe Plaçido Domingo
  • 28/07/2018 | 13:38

18 minuta duartrokitje, përlotet Ermonela Jaho dhe Plaçido Domingo

Sopranoja shqiptare ka interpretuar me operën “Thais” në krah të tenorit Placido Domingo në teatrin Real në Madrid. Udhëtimi në kohë për të kthyer në skenë dëlirësinë dhe erotizmin e operës “Thais”, që i dha famë Jules Massanet ka entuziazmuar publikun mbrëmjen e së enjtes në Teatro Real. Janë duartrokitur për 18 minuta, Placido Domingo në rolin e tenorit dhe sopranoja shqiptare Ermonela Jaho, në rolin e kurtizanes-shenjtore kanë ngritur publikun në këmbë, shkruajnë mediet spanjolle. 


Nën udhëheqjen e dirigjentit të njohur Patrick Fournillier, ekspert në pjesët e kompozitorit francez si dhe themelues e drejtor muzikor i festivalit “Massenet” . Domingo dhe Jaho kanë magjepsur publikun në këtë operë e cila mbyll këtë sezon për teatrin “Real”. Ata interpretuan me zemër dhe lotët që rrodhën në fytrat e tyre gjatë skenës së fundit ishin real.

Të emocionuar, ata falënderuan publikun për “standing ovation” e pazakontë. I rrallë ka qenë reagimi i publikut, i cili i ka duartrokitur për 18 minuta. Të merituara ishin duartrokitjet edhe për tenorin Michele Angelini (Nicias), baritonin Jean Teitgen (Palemon) dhe për drejtorin e orkestrës. Në këtë koncert të operës së Massenet, aristi madrilenas është kthyer për të interpretuar murgun Athanael, në një version shumë interesant dhe të komplikuar.

Ky është një rol që e magjeps tenorin dhe tregon anët e tij më dramatike dhe njëkohësisht torturuese, artisi vazhdon ti inkuadrojë në mënyrë perfekte në moshën 77 vjeçare. Bariton në vepra si “Simon Boçanegra”, “Nabuco”, “Rigoletto” apo “Il trovatore”, Domingo nuk i lë t’i kinin rastet që i mundësojnë t’i kthehet regjistrit të tenorit me operën që e bëri të famshëm “Thais”, një nga të preferuarat e tij.

Artistit, që është gjithashtu edhe drejtor orkestre, i pëlqen të interpretojë në versionin koncert disa vepra pasi, sipas tij “në mungesë të lëvizjeve, përqendrimi i këngëtarëve është më i madh” . E vërteta është se qoftë ai dhe sopranoja shqiptare ishin tërësisht brenda lëkurës së karaktereve, derisa ana shpirtërore dhe sensualiteti njerëzor u transformuan në zë dhe hapësirë.

Personazhi i Athanael ndien një admirim, “gati një pasion” për Thais, por kur kupton se të gjithë meshkujt çmenden për të, ai i propozon ta shpëtojë, ndoshta vetëm nga xhelozia.  Ai dëshiron ta pastrojë nga mëkatet, por në të njëjtën kohë është i dashuruar me të dhe bie në dëshpërim kur kurtizania pendohet dhe i nënshtrohet një jete tjetër që do t’i mundësojë asaj përjetësinë.

Në këto kushte ajo e lë murgun të torturohet nga pasioni për të. Kur Thais bëhet më në fund një shenjtore, Athanael çmendet nga dashuria për të. Këtë pjesë Domingo së bashku me Jahon e kënduan vitin e kaluar, në Pekin nën dirigjimin e Hugo de Ana.

Një nga momentet më të veçanta është edhe soloja e famshme e violinës “Meditimi i Thais”, i cili u duartrokit shumë nga publiku, duke i hapur dyert një duo-je thuajse të përjetshme, që bëri për vete publikun, i cili i shoqëroi me duartrokitje të stërzgjatura dhe me thirrjet “bravo” për interpretimin e një nga veprave më të famshme të Massenet.

Jaho, shkruajnë mediat spanjolle, është shumë e njohur në teatrin “Real” për interpretimet e saj të mrekullueshme të “Traviatës” dhe të “Madam Butterfly”. Thais është një rol i komplikuar si në nivel vokal ashtu edhe në nivel interpretativ sepse përfshin tranzicionin e personazhit që fillon si kurtizane dhe përfundon duke i dorëzuar Perëndisë “gjithçka që zëri mund të ofrojë” dhe, ajo e ka dorëzuar pa kursyer asgjë.

E veshur gjatë pjesës së parë me një fustan të ngushtë ngjyrë të kuqe dhe në të dytin me një fustan jeshil pjesërisht transparent dhe me lule të qëndisura në pjesën e sipërme Jaho ishte magjepse. Ajo është ndërruar gjatë transformimit nga kurtizane në shenjtore. Ndërsa Domingo ishte i veshur me kostum dhe këmishë të errët duke e ndjekur këngëtaren në momentet e saj të tranzicionit.

 

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +386 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë