28 Nëntori i shqiptarëve

Prishtina është mbushur me flamuj kuq e zi në 104 vjetorin e pavarësisë së Shqipërisë. Kjo festë shënohet sot anë e mbanë trojeve ku ka shqiptarë, në Shqipëri, Kosovë,e Luginë të Preshevës, si dhe të gjithë bashkatdhetarët sot kanë një ditë feste.

Kjo ditë historike shënon poashtu edhe datëlindjen e Komandantit Legjendar Adem Jashari si dhe daljen e parë publike të Ushtrisë Çlirimtare të Kosovës.

Lliderët e institucioneve të Kosovës, si dhe ata të partive politike, i kanë uruar qytetarëve për festën e 28 nëntorit, gjithashtu ata do të shënojnë këtë ditë përmes aktiviteteve.

Sot nën patronatin e kryetarit të Kuvendit të Republikës së Kosovës, Kadri Veseli, në Kullën e Isa Boletinit në Boletin, Mitrovicë, mbahet manifestim për nder të festës së flamurit.

Poashtu, Presidenti i Republikës së Kosovës, Hashim Thaçi nderime dhe vendos lule në Kompleksin Memorial “Adem Jashari”, në Prekaz.

Lëvizja Vetëvendosje ka paralajmëruar aktivitete te sheshi ‘’Zahir Pajaziti” në Prishtinë, si dhe  do të bëjë homazhe te varrezat e dëshmorëve të Komunës së Prishtinës./gazetametro.net