45 viktima dhe 1259 raste të reja në 24 orët e fundit në Maqedoninë e Veriut

Institucionet nga Maqedonia e Veriut kanë njoftuar se gjatë 24 orët e fundit kanë regjistruar 1259 raste të reja të të infektuarve me koronavirusin SARS-COV-2, transmeton Gazeta Metro.

Gjatë 24 orëve të fundit në mbarë vendin nga 4555 teste të kryera janë regjistruar 1259 raste të reja me Covid-19.

Në ndërkohë nga Instituti i Shëndetit Publik të Maqedonisë së Veriut njoftojnë se janë shëruar 751 pacientë.

Ndërsa betejën me Covid-19 e kanë humbur 45 pacientë. Që nga fillimi i pandemisë, në shtetin fqinj jugor janë regjistruar gjithsej 136402 raste, prej të cilëve 111 039 janë shëruar, kurse 4022 kanë ndërruar jetë.

Njoftohet se aktualisht në Maqedoninë e Veriut janë 21265 raste aktive me koronavirusin./gazetametro.net