50 banesa të reja për familjet me gjendje të rëndë sociale

Edhe 50 familje të cilat jetojnë në kushte jo të mira ekonomike do të kenë mundësi që të vendosen në banesat që do të ndahen nga Komuna e Prishtinës.

Përfituesit do të jenë familjet me gjendje të rëndë sociale ekonomike dhe të cilat nuk e kanë të zgjidhur çështjen e banimit.

Kjo bëhet e ditur përmes një komunikate për media që ka dërguar Komuna e Prishtinës, ku mes tjerash ka shpallur edhe konkursin për aplikim për këto banesa.

“Komuna e Prishtinës si investitor, ka në dispozicion për këtë program të veçantë të banimit objektin banesor të ndërtuar në Hajvali, me 50 banesa”, thuhet në këtë komunikatë.