Loading…

A po rrezikohet Kosova nga një valë e re e COVID-19?

  • 06/11/2021 | 22:14

A po rrezikohet Kosova nga një valë e re e COVID-19?

Ekspertët shëndetësorë po bëjnë thirrje për kujdes të shtuar dhe respektim të masave anti Covid, pasi Kosova po rrezikohet nga një valë e re e COVID-19.


Gjendja e qetë e cila po mbizotëron në vendin tonë, mund të mos jetë e tillë muajin tjetër. Kjo pasi që ekspertët e Organizatës Botërore të Shëndetësisë po paralajmërojnë një valë të re të virusit korona.

Vala e katërt e këtij virusi tashmë ka kapluar Evropën, por në Kosovë mendohet se do të ndodhë në fund të vitit.

Për këtë janë alarmuar edhe nga Federata Sindikale e Shëndetësisë.

Kreu i kësaj sindikate, Blerim Syla thotë se nëse masat anti Covid nuk respektohen atëherë nuk mund ta evitojmë një vale të re. Madje sipas doktorit, tanimë që festat e fundvitit po afrohen duhet të kemi kujdes të shtuar shoqëror dhe institucional.

Edhe doktoresha shqiptare në Evropë, Aurora Dollenberg po thotë se Kosova rrezikohet të përfshihet në këtë valë të virusit njëjtë si vendet tjera evropiane.

Deri më tash në Kosovë janë vaksinuar më shumë se 730 mijë persona me dozën e dytë të vaksinës anti Covid.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë