Loading…

A u takua Nasim Haradinaj me delegacionin kosovar në Hagë, tregon Klinaku

  • 09/11/2021 | 08:47

A u takua Nasim Haradinaj me delegacionin kosovar në Hagë, tregon Klinaku

Ushtruesi i detyrës së kryetarit të OVL-UÇK-së, Faton Klinaku ka thënë se as Nasim Haradinaj nuk e ka takuar delegacionin kosovar në Hagë.


“Jo vetëm Hashim Thaçi e Kadri Veseli, por nuk i ka taku as Nasim Haradinaj. Për këtë gjë më ka tregu Nasimi dhe ka thënë se qëllimi i mos takimit të tyre me Ministrinë e Drejtësisë ka qenë sepse ata nuk janë familjarët e tyre dhe ata nuk kanë kërkuar vizitë zyrtare”, tha ai në ATV.

Kujtojmë që Thaçi i cili gjendet në paraburgim në Gjykatën Speciale në Hagë ka treguar arsyet pse refuzoi të takohet me zyrtarët e Ministrisë së Drejtësisë.

Thaçi ka thënë se kjo vizitë u bë në kulmin e fushatës zgjedhore.

”Ato nuk erdhën të interesohen për ne, por donin të përdornin takimin me mua, në kulmin e fushatës elektorale në Kosovë. Qeveria e Kosovës nuk na ndihmoi duke na sjellë kafe apo duke na pyetur a u dhemb koka këtu ku jemi. Këto i sigurojmë vetë.

Ata na ndihmojnë me qëndrime publike, por pikërisht nga këto qëndrime na kanë dëmtuar sa kanë mundur. Përveç qeverisë së Shqipërisë, askush nuk na ka ndihmuar”, i ka thënë Thaçi gazetarëve shqiptarë Mero Baze e Filip Çakuli gjatë një vizite që i kanë bërë atij në dhomat e paraburgimit në Hagë, në njëvjetorin e qëndrimit të tij aty.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë