Loading…

AAK dhe PDK arrijnë koalicion në këtë komunë

  • 11/11/2021 | 23:56

AAK dhe PDK arrijnë koalicion në këtë komunë

AAK-ja dhe PDK-ja kanë arritur koalicion për rundin e dytë të zgjedhjeve lokale.


 Këtë e ka konfirmuar për Klankosova bartësja e listës së PDK-së në këtë komunë, Arbënesha Kuqi.

Ajo ka thënë se ky koalicion ka ardhur si dakordim i të dyja palëve, duke shtuar se oferta e kandidatit të AAK-së për Gjakovën ka qenë serioze karshi tyre.

“Ne kemi krijuar koalicion me Ardian Gjinin, kryetarin aktual, dhe para dy orësh është votuar në kryesinë e degës së PDK-së në Gjakovë. Jemi në koordinim të plotë me kryetarin Memli Krasniqi dhe me kryetarin e degës Hajdar Beqa dhe gjithë kryesinë. Ky koalicion ka ardhur si dakordim i të dy palëve, për shkak se oferta e Ardian Gjinit ka qenë serioze dhe e bashkërenduar në bazë të programit tonë politik”.

“Unë si kandidate për kryetare nga PDK-ja, dega në Gjakovë në këto zgjedhje iu jap lajmin që ne jemi veçse në koalicion me zotëri Gjinin për shkak se oferta e Ardian Gjinit ka qenë shumë serioze në raport me neve”, ka deklaruar Kuqi.

Kandidati i AAK-së për kryetar të Gjakovës, Ardian Gjini, sonte në Rubikon të Klan Kosovës deklaroi se ka arritur dakordim për koalicion me PDK-në, Partinë Shqiptare Demokristiane dhe LDK-në, e që me këto dy të fundit nuk ka akoma marrëveshje të formalizuara.

Kandidatja e PDK-së për Gjakovën, Arbënesha Kuqi, në rundin e parë të zgjedhjeve lokale kishte marrë 3.39 % të votave.

Në balotazhin e 14 nëntorit për Gjakovën do të përballen kandidatja e Vetëvendosjes Mimoza Kusari-Lila dhe ai i AAK-së Ardian Gjini.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë