AAK’ja pretendon se s’ka pas kurrë më shumë përkrahje se sa tash

Aleanca për Ardhmërinë e Kosovës dhe Ramush Haradinaj, kurrë nuk kanë pasur një mbështetje më të madhe se sa që e kanë sot.

Kështu pretendon vetë kjo parti, ndërsa një mesazh kësisoj ka dalë edhe nga një tubim i Kryesisë së Degës së AAK-së në Klinë.

“Politikat konsistente për sovranitetin e vendit dhe tërësinë tokësore, për zhvillimin ekonomik, për ushtrinë, për rend dhe ligj e kundër hajnisë e korrupsionit, për partneritet dhe jo vazalitet me Bashkësinë Ndërkombëtare si dhe vetëdija për ta bërë të plotë Kosovën, janë përcaktimi ynë”, thuhet në njoftimin e partisë.

Dega e AAK-së në Klinë, u tha në këtë takim, tashmë është në fazën e përpilimit të programit të fitores për këtë komunë, thuhet në njoftim.