Achtung Kremlin: Marina gjermane teston raketat balistike izraelite

Gjermania ka testuar me sukses një raketë balistike izraelite gjatë natës në Atlantikun e Veriut, në një hap që tregon se Berlini po kërkon të forcojë aftësitë e tij ushtarake përballë kërcënimit që e sheh nga Rusia, transmeton Gazeta Metro.

Raketa e testuar është LORA, e prodhuar nga kompania izraelite Israel Aerospace Industries, dhe mund të godasë objektiva në një distancë deri në rreth 500 kilometra. Testi është kryer nga një fregatë gjermane.

Shefi i Marinës gjermane, Jan Christian Kaack, e ka cilësuar testin si të suksesshëm dhe ka thënë se kjo i hap Gjermanisë mundësi të reja për mbrojtjen e vendit dhe aleatëve.

“Njësitë tona mund ta vendosin me sukses sistemin, dhe rrezja e tij e mundshme tejkalon çdo gjë që kemi parë më parë”, tha Kaack.

Gjermania aktualisht nuk ka raketa balistike në arsenalin e saj dhe po punon edhe për zhvillimin e raketave të tjera me rreze të gjatë veprimi. Berlini po zhvillon gjithashtu versionin e ri të raketës Taurus, prodhimi i së cilës pritet të nisë në vitin 2029./gazetametro.net

Kept secret. Now revealed. 🚀🇩🇪
The German Navy just tested the Israeli 🇮🇱 LORA ballistic missile from a German frigate in the North Atlantic — quietly, deliberately and with a range of 500+ km.
NATO 3.0 looks like this:
Europe is taking more responsibility, building serious… pic.twitter.com/K8x2JE61Gs

— NATO Allied Joint Force Command Brunssum – JFCBS (@NATOJFCBS) September 2, 2026