Loading…

Afganëve që ndodhen në Bondsteel mund t’u ndalohet hyrja në SHBA, dyshohen për lidhje terroriste

  • 22/01/2022 | 11:20

Afganëve që ndodhen në Bondsteel mund t’u ndalohet hyrja në SHBA, dyshohen për lidhje terroriste

Si shkak i dyshimeve për lidhje terroriste me talibanët dhe grupet tjera terroriste, afganët që po mbahen në bazën ushtarake Bondsteel në Kosovë, rrezikojnë që t’u ndalohet hyrja në Shtetet e Bashkuara të Amerikës (SHBA), kanë thënë zyrtarët amerikanë, raporton gazeta ‘The Wall Street Journal’, transmeton Gazeta Metro.


Më pak se dhjetë afganë nuk janë kualifikuar për hyrje, pasi zyrtarët e sigurisë gjetën të dhëna diskualifikuese për ta gjatë një procesi të zgjeruar të vetingut, sipas një personi të afërt me këtë çështje. Rreth 90 persona të tjerë po vazhdojnë të hulumtohen nga kampin “Bondsteel” në Kosovë, sipas zyrtarëve të administratës.

Afganët e mbajtur në kampin në Kosovë treguan për kushte të vështira në të cilat familjet me fëmijë kanë kaluar disa muaj në tenda të përbashkëta, me të dhëna të pakta për arsyet e ngecjes së udhëtimit të tyre, sipas Simina Quorishi-t, e cila udhëheq një organizatë jofitimprurëse që u ndihmon grave afgane. Motra e saj është mbajtur në një kamp disa muaj me burrin e vet, që është kontraktor i ushtrisë amerikane, dhe tre fëmijë të vegjël.

Personeli amerikan i inteligjencës, kundërzbulimit dhe mbrojtjes është duke kryer veting të gjerë të individëve në “Bondsteel” për të përcaktuar nëse ka më shumë prej tyre që mund të lejohen për ta vazhduar udhëtimin drejt ShBA-së, siç kanë bërë tashmë disa prej tyre.

Në mesin e afganëve që po mbahen në Kosovë është edhe ish-shefi i një agjencise afgane të inteligjencës, një gjeneral afgan me tre yje dhe një ish-zëdhënës i Këshillit Kombëtar të Sigurisë.

Julie Sirrs, avokate që po e ndihmon ish-shefin afgan të agjencisë së inteligjencës, i cili po mbahet me familje në Kosovë, tha se administrata duhet të ofrojë më shumë burime për ta përshpejtuar shqyrtimin e rasteve. Zonja Sirrs u takua me shefin e agjencisë së inteligjencës, kur ishte duke punuar për çështjet e inteligjencës në Afganistan dhe nuk e di pse ai po mbahet.

“Ai ishte njëri nga aleatët tanë kryesorë. Ai na ndihmoi jashtëzakonisht gjatë asaj periudhës së parë, kur hymë në Afganistan”, tha ajo.

Individët që tani ndodhen në “Bondsteel” janë teknikisht të lirë për t’u larguar ose për t’u tërhequr nga procesi i aplikimit për hyrje në ShBA, por duhet të jetë një shtet tjetër që pajtohet për t’i marrë, thanë zyrtarët amerikanë. Të paktën një person e ka arritur këtë me sukses.

Zyrtarët thanë se në kampin “Bondsteel” nuk ka terroristë të njohur, por refuzuan që të ofronin më shumë informata për atë se kush është duke u mbajtur aty.

Këtu keni shkrimin e plotë nga ‘The Wall Street Journal’. /gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë