Agim Ademi dërgohet në mbajtje për 48 orë, dyshohet për këto vepra penale
-
22/03/2023 | 14:21
Kryetari i Federatës së Futbollit të Kosovës (FFK), Agim Ademi është arrestuar për 48 orë nga Policia e Kosovës.
Agim Ademi ishte intervistuar sot nga Policia e Kosovës, ndërsa është ndaluar për 48 orë.
“Prokurori i Shtetit ka lëshuar aktvendim mbi ndalimin e Kryetarit të Federatës së Futbollit të Kosovës, për shkak të dyshimit të kryerjes së veprave penale “Keqpërdorimi i besimit”, nga neni 330 dhe “Shmangie nga tatimi”, nga neni 307 të KPRK-së. I njëjti me urdhër të Prokurorit të Shtetit është dërguar në mbajtje në kohëzgjatje prej 48 orësh, derisa në koordinim me Policinë janë duke u ndërmarrë veprime hetimore lidhur me këtë çështje penale”, thuhet në njoftimin e Prokurorisë Themelore në Prishtinë.
Dje gjatë ditës ishte intervistuar edhe zyrtari financiar i FFK’së, Agim Gashi.
Vetëm para disa ditësh, Agim Ademi ishte shpallur i pafajshëm nga akuzat për detyrim. /gazetametro.net
