Agim Veliu ia kujton Abazit kohën kur fajësonte VV’në për vrasjen e Astrit Deharit: Përmbahu Haki, argat i kujt je?

Nënkryetari i LDK’së, Agim Veliu i ka reaguar zëvendëskryeministrit, Haki Abazi, duke i kujtuar kohën kur ky fajësonte partinë e tij VV’në, për vrasjen e aktivistit Astrit Deharit, shkruan Gazeta Metro.

Përmes një shkrimi në rrjetin social Facebook, ai ka thënë se Abazi disa herë tentoi të anëtarësohet në LDK, por më pas shkoi në VV.

“Njeriu i konspiracioneve, që lakoi emra për vrasjen e kolonel Ahmet Krasniqit, kurse për vdekjen në burg të Astrit Deharit i bëri përgjegjës aktivistët VV-së, tash i akomoduar pikërisht në VV, po bën avokatin më të zëshëm të tyre, duke akuzuar e shpifur ndaj zyrtarëve të lartë të LDK-së. Në fakt, ai veç po e tregon fytyrën e vërtetë.”, tha ai.

Postimi i plotë:

Njeriu që nuk la njeri brenda e jashtë LDK-së pa përgjëruar që t’i hapej dera e Lidhjes Demokratike, që të akomodohej tek ne, tash vjell vrer e helm ndaj partisë që mbeti një ëndërr e pa realizuar e tij.

Haki Abazi, derisa drejtonte një fondacion, përmes miqve të mi disa herë bëri përpjekje të më takonte me qëllim që të bëhej pjesë e LDK-së, por asnjëherë s’ia ofrova një rast të tillë.

Njeriu i konspiracioneve, që lakoi emra për vrasjen e kolonel Ahmet Krasniqit, kurse për vdekjen në burg të Astrit Deharit i bëri përgjegjës aktivistët VV-së, tash i akomoduar pikërisht në VV, po bën avokatin më të zëshëm të tyre, duke akuzuar e shpifur ndaj zyrtarëve të lartë të LDK-së. Në fakt, ai veç po e tregon fytyrën e vërtetë.

Haki, me gjithë respektin më të lartë për babin tënd, i cili ishte një veprimtar e aktivist i palodhshëm i viteve ’90-ta, më duhet ta bëj një pyetje: argat i kujt je ti?

E dimë se ke bërë turr të marrësh bajrakun të dëshmohesh si më i devotshmi dhe më i zëshmi i ushtrisë propagandistike, por kjo nuk të jep të drejtë të bësh shpifje e fyerje. Përmbahu Haki./gazetametro.net

https://www.facebook.com/AgimVeliu/posts/1606610692819279?__xts__[0]=68.ARDIyE_TwVaU-k0vKqDma5XFDDL4cJSc9bP3qZHuVmnJ_SeW608SHSmY2QK16stU3yldKl-mBJG70WrTNEyfStz0Jd21jDnP52gRJXSXEHYL69HYyVeCShRuCTKM6U-hRxaMjsem8qt824CQy4DHL5ziy3OemAp0eAWuG-YE-djGTpByLdwpidnILiF6PRHPu6oE8bzrKHrGTdrlG-smW8QrE3RTHuSbhPBinazcQIxKF2nf3Qx07UvImT8geAJHOtg5e1TqyN5HEW59udnIAVSjSMIIW6PdELZANBovxY9Itz2QuogHcxNsCW1K-u1YQpIf_VsXCIEVVV59hDGVVA&__tn__=-R