Loading…

Agjent i BIA’s, bëhet deputet në Kuvendin e Kosovës, reagon Mustafa: Është për keqardhje

  • 08/11/2019 | 16:56

Agjent i BIA’s, bëhet deputet në Kuvendin e Kosovës, reagon Mustafa: Është për keqardhje

Kreu i Lidhjes Demokratike e Kosovës (LDK), Isa Mustafa, ka folur për zgjedhjen deputet të ish-spiunit të BIA’s serbe nga Lista Serbe, Branislav Nikolic, transmeton Gazeta Metro.


LDK ka mbajtur sot mbledhjen e kryesisë së partisë, ku më pas në konferencë për media ka folur i pari i kësaj partie, Mustafa.

Ai ka deklaruar se në bisedimet që grupet punuese kanë zhvilluar me Lëvizjen Vetëvendosje për formimin e qeverisë janë pak çështje në të cilat nuk pajtohen.

Në konferencë kreu i LDK’së foli edhe për zgjedhjen deputet të ish-spiunit të BIA-s serbe nga Lista Serbe, Branislav Nikolic.

Mustafa tha se është për keqardhje që një punëtor i BIA’s serbe të bëhet deputet në Kuvendin e Kosovës.

“Ne me keqardhje e kemi marrë këtë informatë që dikush që konsiderohet se ka qenë punëtor i BIA’s serbe të vijë të bëhet deputet i Kuvendit të Kosovës, por nuk është në fuqinë e as në vullnetin e LDK’së. Me qenë në vullnetin tonë kjo nuk do të kishte ndodhë, mirëpo ligji dhe Kushtetuta duhet të veprojë, ashtu siç vepron ligji ashtu do të veprojmë edhe ne”, ka thënë Mustafa.

Branislav Nikoliq, kishte punuar si këshilltar i presidentit Hashim Thaçi që nga viti 2016. Të njëjtin, para se të emëronte si këshilltar të tij, Thaçi e pati emëruar si anëtar të bordit në postë.

Mirëpo më pas, Thaçi kishte marrë vendim që ta shkarkojë Nikoliqin, pasi që dyshohet se ishte pjesë e BIA’s.

Në zgjedhjet e 6 tetorit, ka arritur të marrë 14 mijë e 467 vota në kuadër të Listës Serbe duke arritur të bëhet deputet në legjislaturën e shtatë.

Bratislav Nikoliq kishte qenë anëtar i SLS’së për t’iu bashkuar partisë tjetër serbe në Kosovë, Listës Serbe.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë