Ahmeti fajëson institucionet për sulmin ndaj Xharrës

Kryetari i Prishtinës, Shpend Ahmeti, ka fajësuar institucionet e drejtësisë për sulmin ndaj Xharrës, ku siç ka thënë ai këto institucione nuk funksionojnë jo rrallë herë.

“Shoqëritë e lira ekzistojnë jo vetëm për shkak të akteve ligjore që i bëjnë të tilla por edhe për shkak të funksionimit të institucioneve. Qe një kohë në Kosovë institucionet e drejtësisë jo rrallë nuk funksionojnë, e shpesh me qëllim. Në anën tjetër kjo u jep hapësirë disave të spekulojnë, shpesh me qëllim të qartë”, ka shkruar në Facebook, i pari i Prishtinës, Shpend Ahmeti

Me tej Ahmeti ka thënë se “Sulmet fizike te fundit, si rasti i Arbana Xharrës mbrëme janë të dënueshme dhe janë të papranueshme.Përderisa institucionet qëllimisht apo jo qëllimisht (s)përfundojnë punën, ne do të mbesim shoqëri e lirë në letra e shumica në dënime në facebook. Hetimi i të gjitha rasteve të sulmeve, kërcënimeve e krimeve të tjera është i domosdoshëm për shërimin e kësaj shoqërie.”/gazetametro.net