Loading…

Kurti përmendi avull, lopata e turbina, Ahmeti: Çka po na vyn gjërmant me ndreq blloqe?

  • 20/01/2022 | 14:02

Kurti përmendi avull, lopata e turbina, Ahmeti: Çka po na vyn gjërmant me ndreq blloqe?

Ish kryetari i Prishtinës, Shpend Ahmeti, ka ironizuar me kryeministrin e Kosovës, Albin Kurtin, lidhur me një deklarim të Kurtit në Kuvendin e Kosovës për shtrejtimin e energjisë elektrike, shkruan Gazeta Metro.


Ahmeti ka shkëputur një pjesë të asaj që ka deklaruar Kurti duke ironizuar me shpjegimin e tij për gjendjen energjetike në vend ku Kurti përmendte lopata e avull.

Këtu keni statusin e tij të plotë:

“…por ka ra turbina. A e kuptoni? Lopatat e rrotorit të gjeneratorit B2 janë copëtuar, për shkak se shtypja e avullit, në vend që të jetë 120 bar sipas specifikacionit, ka qenë 90 bar. Edhe avulli ka qenë me lagështi më të madhe edhe i ka copëtu lopatat e vjetëruara…!” Kurti në kuvend në shpjegimin pse ska rrymë

Pyetja e qytetarëve është se a je tu fol për lagështinë Absolute, Relative apo specifike të Avullit. Në qoftë se jeni tu fol për atë absolute duhet me na tregu sa gram për metër kub ka qenë që e paska prish lopatën kështu.

Në qoftë se ka pas me qenë shtypja 120 e ka qenë 90 e e ka prish lopatën kjo i bjen që me pas qenë 120 me lagështi absolute më të lartë na duhet me qenë të lumtur se paska pas me i prish edhe dhomt e bojlerit.

Përnime e keni a? Çka po na vyn gjërmant me ndreq blloqe?”, ka shkruar Ahmeti në llogarinë e tij në Facebook. /gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë