Loading…
Ahmeti nesër paditë VV-në
  • 11/02/2019 | 18:52

Ahmeti nesër paditë VV-në

Kryetari i Prishtinës, Shpend Ahmeti, ka njoftuar se nesër do të dorëzojë padi në Pallatin e Drejtësisë ndaj ish-partisë së tij, Vetëvendosje.


Komuna e Prishtinës paralajmëroi rastin duke treguar se padia do të dorëzohet të martën në orën 10:00, por duke mos dhënë sqarim për çfarë do të dorëzohet padia. Në një përgjigje për KTV-në, Ahmeti ka thënë se do ta padisë VV-në për shpifje lidhur me akuzat për tenderin për qumësht.

Vetëvendosja e kishte paditur Ahmetin lidhur me tenderin e sivjetmë për qumësht, duke dorëzuar në Prokurori kallëzim penal “për keqpërdorim të detyrës zyrtare dhe për lidhje të kontratës së dëmshme”.

VV-ja në Prishtinë kishte thënë se në periudhën 2014-2015, në tenderin për qumësht për klasat e I-V, oferta për një qumësht të vogël ka qenë 10 cent ndërsa fitues i këtij tenderi ka qenë “Devolli group” Sh.P.K, me qumështin VITA dhe vlera e përgjithshme e kontratës ka qenë 200.000 EUR, ndërsa për vitin 2018, i njëjti tender me të njëjtin numër të njësive, për të njëjtin numër të nxënësve i ka kushtuar Komunës 733,698.00 EUR.

Kjo s’është hera e parë që PSD-ja e Ahmetit dhe Vetëvendosja përplasen dhe padisin njëra-tjetrën. Ditë më parë, deputeti i VV-së, Glauk Konjufca, paditi deputetin e PSD-së, Dardan Molliqajn, për shpifje për deklaratat e tij se Konjufca ishte dikur pjesëtar i SHIK-ut.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +386 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë