Aksident fatal në Prishtinë, vdes një 36 vjeçar

Një vetaksident me fatalitet ka ndodhë sot herët në mëngjes në dalje të Prishtinës në drejtim të Ferizajt, shkruan Gazeta Metro.

Lajmin për Metron e kanë konfirmuar nga Policia e Kosovës, ndërsa viktima është një 36 vjeçar

Në momentin e aksidentit lëndime kishin marrë të dy të pranishmit në veturë, por A.Q nuk kishte arritë të u mbijetonte lëndimeve trupore nga ky vetaksident.

Vdekja e tij është konstatuar në vendngjarje nga ekipet mjekësore.

Me vendim të prokurorit të shtetit, trupi i viktimës është dërguar në Institutin e Mjekësisë Ligjore për obduksion.

“Sot rreth orës 03:00 në rrugën Prishtinë – Ferizaj, ka ndodhur një aksident trafiku, ku është përfshirë një veturë. Si pasojë e aksidentit dy persona kanë pësuar lëndime të rënda trupore. Njëri nga personat e lënduar nuk ka arrit të përballoj plagët e shkaktuara nga aksidenti dhe i njëjti ka ndërruar jetë. Vdekjen e viktimës: – A.Q, mashkull, 36 vjeç, e ka konstatuar ekipi mjekësor në vendngjarje. Trupi i pajetë i viktimës me rekomandim të prokurorit të shtetit ësjtë dërguar për obduksion, ndërkohë që lënduari  i dytë  është dërguar për trajtimin e nevojshëm mjekësor. Me hetimin për zbardhjen e shkaqeve të këtij vetaksidenti, po merren hetuesit nga Njësiti i trafikut”, thuhet në përgjigjen e zëdhënëses së Piolicisë së Kosovës për rajonin e Prishtinës, Flora Ahmeti./gazetametro.net