Loading…

Aksident i rëndë në rrugën Prishtinë-Gjilan: Vdes një grua, lëndohen tre persona të tjerë

  • 06/08/2020 | 21:44

Aksident i rëndë në rrugën Prishtinë-Gjilan: Vdes një grua, lëndohen tre persona të tjerë

Një grua e moshës 82 vjeçare ka vdekur sot pas një aksidenti në rugën Prishtinë-Gjilan, teksa tre persona të tjerë kanë mbetur të lënduar, shkruan Gazeta Metro.


Lajmi është konfirmuar për Gazetën Metro nga zëdhënësi i Policisë për rajonin e Prishtinës, Bajram Krasniqi, i cili tha se aksidenti ka ndodhur rreth orës 17:30.

“Sot, më 06.08.2020 rreth orës 17:30, policia është njoftuar për një aksident trafiku (vet-aksident). Aksidenti ka ndodhur në magjistralen Prishtinë-Gjilan (në fshatin Mramor). Njësitet policore të Stacionit Policor Graçanicë dhe të trafiku i janë përgjigjur njoftimit.”, ka thënë ai.

Bajrami ndër të tjera shtoi se një grua 82 vjeçare ka ndërruar jetë si pasojë e lëndimeve të marra, teksa personat e tjerë janë dërguar në urgjencë në QKUK.

“Ato, në vend-ngjarje kanë hasur një veturë të dalë nga rruga dhe të rënë në një përrua skaj rruge. Në veturë kanë qenë katër persona të cilët janë dërguar me njësitet e urgjencës për në QKUK. Mësohet se një grua e moshës 82 vjeçare, sipas konstatimit të mjekëve, si pasojë e lëndimeve të marra, ka ndrruar jetë.”, tha ai.

Vlen të theksohet se ditëve fundit si pasojë e temperaturave dhe kushteve atmosferike, në Kosovë kanë ndodhur aksidente të shumta rrugore.

Ndërkaq, Insituti Hidrometerologjik i Kosovës ka paralajmëruar se në vend mund të ketë vërshime pas reshjeve të shiut./gazetametro.net

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë