Aksidentet me fatalitet, Rama: Qeveri e kontratave njëburimore dhe e tragjedive që mund të parandaloheshin

Kryetari i Kryeqytetit, Përparim Rama e ka “goditur” Qeverinë Kurti, duke e quajtur Qeveri e propagandës, e kontratave njëburimore dhe e tragjedive që mund të parandaloheshin, transmeton Gazeta Metro.

Rama në Facebook ka thënë se Kosova dje u zgjua me lajmin tragjik të humbjes së jetëve në autostradë.

Një tjetër ditë, ku qytetarët, sipas tij, paguajnë çmimin, ndërsa pushteti siç shkruan ai, vazhdon të jetojë në realitetin e propagandës së vet.

“Për vite me radhë nuk u largua dheu nga autostrada, por sot gjenden miliona euro për kontrata. Plot 4.67 milionë euro për heqjen e dheut, pasi problemi është zvarritur pafund. Kjo është fotografia më e qartë e një qeverisjeje që reagon vetëm kur është tepër vonë”, tha Rama./gazetametro.net