Loading…

Aksidenti në Bullgari, flet pronari i ‘Besa Trans’: Këto sprova janë nga Allahu  

  • 28/11/2021 | 20:51

Aksidenti në Bullgari, flet pronari i ‘Besa Trans’: Këto sprova janë nga Allahu  

Si pasojë e një aksidenti tragjik që ndodhi para pesë ditësh në Bullgari, mbetën të vdekur 46 persona shumica nga ta ishin shqiptarë e në mesin e tyre ishin 12 të mitur.


E tek të dielën lidhur me aksidentin ka folur pronari i “Besa Trans” autobusi i së cilës u aksidentua.

Bekim Haxhiu iu ka shprehur ngushëllime familjeve të viktimave.

Ai tha se kjo është sprovë nga allahu, vullneti i tij nuk mund të ndryshohet.

“Allahu në Xhenet i shpërbleftë shehedlit, të lënduarve shërim sa më të shpejtë, familjarëve sabër ju dhashtë. Këto fjalë i them me pikëllim dhe me zemër të lënduar. Ata ishin edhe familjarë tanë, sepse çdoherë kur kemi udhëtuar i kemi konsideruar . 4 ditë ishim bashkë në Stamboll gjatë shëtitjeve. Shumica e tyre kanë udhëtuar edhe më herët. Këto sprova janë nga Allahu. Vullneti i Tij nuk mund të ndryshohet asnjë minutë dhe lusim Allahun që të mos e sprovojë askënd”, ka shkruar ai në Facebook raporton Alsat-M përcjell Klankosova.tv.

Partia opozitare VMRO-DPMNE, ka kërkuar nëpërmjet zëdhënëses Marija Miteva, të vërtetohet përgjegjësi për faktin se autobusi i “Besa Trans” ndonëse nuk ka pasur leje për transport të udhëtarëve, ka kaluar kufirin. Sipas opozitës kjo tragjedi tregon se sistemi është jofunksional.

“A është më i rëndësishëm koalicioni LSDM-BDI se jeta e qytetarëve? A duhet të marrë opinioni përgjigje nëse është e vërtetë që drejtori Huseini nuk ka lëshuar urdhër për inspektim në pikën kufitare Deve Bair që nga dhjetori i vitit 2020, ndërsa pikat tjera kufitare si Tabanocë, Bllacë, Qafëthanë dhe Bogorodicë janë inspektuar rregullisht nga inspektorët?”.

Autobusi i djegur i “Besa Trans” këtë vit e ka kaluar 113 herë kufirin e Maqedonisë pa leje për transport të udhëtarëve brenda dhe jashtë vendit.

Prokuroria ka marrë tashmë të gjithë dokumentacionin për punën e agjencisë dhe nëse konstaton përfshirjen e dikujt në këtë rast, do të hapë procedurë penale.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë