Loading…

Alarmante: Vdesin 5 persona nga gripi i derrit në Kosovë, paraqiten edhe 11 raste të reja

  • 19/02/2019 | 18:35

Alarmante: Vdesin 5 persona nga gripi i derrit në Kosovë, paraqiten edhe 11 raste të reja

Pesë persona dyshohet se kanë vdekur gjatë këtij viti në Kosovë nga gripi i derrit, apo virusi H1N1. Ndërkohë në Kliniken Infektive të QKUK-së, 11 persona janë të shtrirë si pasojë e prekjes nga ky virus, disa nga ta janë në gjendje më të rëndë shëndetësore. Nga gripi i derrit të premten dyshohet se ka ndërruar jetë edhe një grua e rreth të 60-ve, nga Gjilani. Rrëfimi i familjes së saj.


Kanë hapur të pame për nënën e tyre, e cila vdiq të premten që e lamë pas, në Kliniken Infektive të QKUK-së. Z. Ramiqi, e lindur në vitin 1958, nga Pozorani, për tre ditë kishte pasur indikacione të gripit, duke ndërruar jetë pas tre ditëve në Kliniken Infektive të QKUK-së.

Mjekët në spitalin rajonal të Gjilanit kanë qenë të parët ata që kanë dyshuar se zonja ka mundur të jetë e prekur nga virusi H1N1, andaj të njëjtën e kanë dërguar të premten në mesditë urgjentisht në Infektiven e QKUK-së për procedura të mëtejme.
Por, me të arritur në QKUK, ajo ka ndërruar jetë.

Bashkëshorti i saj, Fadilit, ka dhënë detaje për këtë rast.

“Ajo paraprakisht ka vuajtur prej zemrës, së fundmi i ka pas disa implikacione. Rasti i fundit, ka pasur një ftohje, ajo është trajtu dy ditë te mjeku, pa konstatim të saktë, një ftohje e rëndomë. Mirëpo më vonë iu përkeqësua gjendja në natën e tretë është manifestu me vjellje. Mjeku i zemrës që e ka trajtuar më herët ka konstatua që në organet e frymëmarrjes asaj i është përkeqësu gjendja si dhe i janë dëmtuar organet e frymëmarrjes. Për trajtim të mëtejmë ata kanë preferuar që të dërgohet në Prishtinë në spital”, tregon burri i së ndjerës.

Tutje ai shpjegon se mjekët kanë dyshuar se ajo mund të jetë e prekur me grip H1N1. Por, familja nuk ka pranuar që të ndjerës t’i bëhet analiza e obduksionit.

“Mirëpo gjendja asaj iu përkeqësua të premten ku edhe rreth orës 16:30 në klinikën Infektive vetëm se ndërroi jetë. Se a mund të jetë e prekur nga gripi i derrit ne si familjarë nuk kemi mundur që ta konstatojmë, mirëpo nga mjekët ka pasur dyshime. Organikisht dhe fizikisht ajo në të kaluarën ka qenë shumë e fortë. Obduksionin nuk kemi me pranu me e ba. Unë si familjar nuk kamë pranuar. E pamë që zgjatë shumë dhe e pamë mundim të tepërt”, ka shpjeguar tutje burri i së ndjerës.

E ndërkohë vetëm nga rajoni i Gjilanit, dyshohet se tre persona tashmë kanë vdekur si pasojë e gripit të derrit, dy nga këto tre raste tashmë janë të konfirmuara. Këtë ia ka thënë Gazetës edhe drejtori i spitalit në Gjilan, Nysret Hajrullahu.

“Për rastin që po pyesni nuk kam ndonjë informacion. Mirëpo dy raste ne tashmë i kemi të konfirmuara”, ka thënë Hajrullahu të martën për Express.

Ndërkaq, drejtori i klinikës Infektive në QKUK, Hamdi Ramadani, ka deklaruar se për rastin e zonjës nuk mund ta flas sot, ngase nuk ka informata dhe se zonja kishte vdekur menjëherë pasi kishte arritur në Infektiven e QKUK-së.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë