Loading…

Alarmohet Drita: 17 futbollistë dalin pozitiv me koronavirus, dy ditë para ndeshjes në LK

  • 06/08/2020 | 22:30

Alarmohet Drita: 17 futbollistë dalin pozitiv me koronavirus, dy ditë para ndeshjes në LK

Dy ditë para ndeshjes preliminare në Ligën e Kampionëve ndaj Inter d’Escaldes, shumica e futbollistëve të skuadrës gjilanase kanë rezultuar pozitivë në testin e parë për Covid-19. 


Gazeta Olle mëson ekskluzivisht përmes burimeve pranë kampit bardhekaltër që 17 futbollistë kanë rezultuar pozitivë në testin e parë.

Njëri ndër lojtarët e vetëm që ka dalë negativ është sulmuesi Kastriot Rexha. Dyshohet që një tjetër lojtar që doli negativ është Hamdi Namani.

Emrat futbollistëve që kanë rezultuar pozitiv nuk bëhen të ditur, derisa zhvillimet e ditës kanë shpërthyer si “bombë” brenda klubit kampion.

Te Drita po i presin në ankth rezultatet e testeve të dyta, pasi që shpresojnë se ato dolën pozitivë gabimisht.

Drejtori sportiv i Dritës, Valon Zymberi, deklaroi për gazetën që disa teste kanë dështuar, duke mohuar që dikush ka rezultuar pozitiv.

“Nuk është e vërtetë se kanë dalë pozitiv. Janë 3-4 teste që ju kanë dështuar dhe po presin t’i ritestojnë sërish”, tha Zymberi për Gazetën Olle.

Drita pritet të sqarojë situatën përmes një njoftimi për shtyp gjatë mbrëmjes.

Ndeshjen ndaj Inter d’Escaldes, gjilanasit e luajnë të shtunën në Zvicër.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë