Loading…

Algjeria nuk e njeh Kosovën, KOK tregon nëse ekipi pati pengesa në kufirin e këtij shteti

  • 22/06/2022 | 18:57

Algjeria nuk e njeh Kosovën, KOK tregon nëse ekipi pati pengesa në kufirin e këtij shteti

Grupi i parë i ekipit të Kosovës ka arritur në Oran të Algjerisë, ku prej 25 qershor deri më 6 korrik 2022 do të mbahen Lojërat e 19-ta Mesdhetare Oran 2022.


Në grupin e parë bëjnë pjesë ekipet e atletikës, boksit, notit dhe badmintonit.

Ekipi u nis nga Prishtina për në Shkup, prej nga u bë udhëtimi me aeroplan direkt për në Oran, së bashku edhe me ekipin e Maqedonisë së Veriut.

Delegacionit, të cilit i printe sekretari i përgjithshëm, Besim Aliti dhe shefja e misionit, Rejhan Halili, kaloi pa ndonjë pengesë. Të gjitha procedurat në aeroportin e Oranit u përfunduan pa pasur ndonjë problem për shkak të mos njohjes së Kosovës nga Algjeria.

Ekipi u vendos në Fshatin Mesdhetar. Ekipi i mundjes arrin sot, ndërsa ekipet e sporteve tjera në ditët në vijim.

Kosova në Oran përfaqësohet me 39 sportistë të 13 sporteve të ndryshme.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë