Loading…

Ambasada e SHBA’së hedh poshtë akuzat e Brnabic ndaj kongresistëve amerikanë

  • 09/11/2021 | 19:46

Ambasada e SHBA’së hedh poshtë akuzat e Brnabic ndaj kongresistëve amerikanë

Ambasada e SHBA-së në Beograd i ka quajtur fyese dhe të pasakta akuzat e zyrtarëve më të lartë serbë ndaj kongresistëve amerikanë, të cilët theksuan problemin me korrupsionin dhe lirinë e mediave në Serbi.

“Nga shkëmbimet akademike deri te bashkëpunimi në fushën e sigurisë dhe luftës kundër COVID-19, marrëdhëniet e SHBA-së me Serbinë janë të shkëlqyera dhe përmirësohen çdo ditë e më shumë. Akuzat e fundit kundër anëtarëve tanë të zgjedhur të Kongresit janë absurde, fyese dhe të pasakta”, tha një zëdhënës i Ambasadës së SHBA-së për Beta.

Dje, me rastin e vizitës në Uashington të liderit të Partisë opozitare për Liri dhe Drejtësi, Dragan Djilas, kryeministrja e Serbisë, Ana Brnabiq, ndër të tjera tha se “nuk beson se ka parë ndonjë kongresist pa asnjë dinar apo dollar”.

Pastaj “paguan edhe pak” për të shkruar një letër të tillë, shtoi ajo, duke aluduar në letrën e kongresistëve amerikanë drejtuar presidentit të SHBA-së për gjendjen e demokracisë në Serbi.

Më 5 nëntor, një grup anëtarësh të Kongresit amerikan i kërkuan presidentit Joe Biden që të shqyrtojë vendosjen e sanksioneve ndaj atyre që destabilizojnë Ballkanin Perëndimor, duke deklaruar se janë të shqetësuar për ndikimin e situatës politike në Serbi në rajon dhe Evropë.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë