Loading…

Ambasada gjermane 5 mijë viza pune për kosovarët

  • Nga

  • 18/01/2017 | 18:06

Ambasada gjermane 5 mijë viza pune për kosovarët

Kosovarët gjatë vitit të kaluar kanë marrë mbi 5 mijë viza pune gjermane në Ambasadën e Gjermanisë në Prishtinë. 


Ligji i ri gjerman i hyrë në fuqi në janar të vitit të kaluar u mundëson qytetarëve të Ballkanit që të pajisen me vizë pune të Gjermanisë.

Këtë të drejtë vetëm gjatë vitit të kaluar e kanë shfrytëzuar disa mijëra kosovarë.

Ambasada e Gjermanisë në Kosovë, ka bërë të ditur se fitues të kësaj vize gjatë vitit që lamë pas kanë qenë vetëm mbi 5 mijë qytetarë.

“Nga janari i vitit 2016, mbi 5.000 viza pune janë lëshuar nga ambasada gjermane në Prishtinë, nën skemën e vizave të punës për vendet e Ballkanit perëndimor”, tha për gazetametro.net Marten Menger, zyrtar për media në ambasadën gjermane në Prishtinë.

Tutje, ai ka qartësuar edhe më shumë procedurën e cila mundëson marrjen e një vize pune gjermane për shtetasit e Kosovës.

“Një nga hapat e parë para se të aplikohet për vizë të punës është pajisja me një para-miratim nga Agjencia Federale e Punës në Gjermani. Një person është i lejuar të punojë në Gjermani, atëherë kur ka marrë një vizë pune, të cilës gjithashtu mund t’i referohemi me “leje pune”, u shpreh ai.

“Nësë një person ka marrë para-miratimin nga Agjencia gjermane Federale e Punës dhe ka përmbushur të gjitha kërkesat e tjera, atëherë mund të aplikojë për vizë të punës në Ambasadë”, ka shpejguar Menger për gazetametro.net.

Rrjedhimisht, jo domosdo numri i para-miratimeve të dhëna nga Agjencia Federale e Punës duhet të përputhet me numrin e vizave të punës të lëshuara nga ambasada gjermane, siç ka treguar ai.

Ndryshe, vitet e fundit është rritur dukshëm numri i qytetarëve kosovarë që janë larguar nga Kosova, në kërkim të kushteve më të mira ekonomike. /gazetametro.net.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë