Loading…

Ambasadori Hovenier do të mbajë fjalim në ceremoninë për Reçakun

  • 15/01/2022 | 08:03

Ambasadori Hovenier do të mbajë fjalim në ceremoninë për Reçakun

Në përkujtim të Masakrës së Reçakut, presidentja Vjosa Osmani, kryetari i Kuvendit të Kosovës, Glauk Konjufca, dhe kryeministri Albin Kurti do të bëjnë homazhe në Kompleksin memorial të Reçakut.


Më pas të tre krerët e shtetit do të marrin pjesë në ceremoninë përkujtimore në 23-vjetorin e Masakrës së Reçakut e cila do të mbahet në Shtëpinë e Kulturës në Shtime.

Në këtë ceremoni, Osmani dhe Kurti do të mbajnë fjalime, së bashku edhe me ambasadorin e Shteteve të Bashkuara, Jeffrey Hovenier, ndërsa një mesazh përmes videos do të japë edhe ambasador William Walker, ish-kryesues i Misionit Verifikues në Kosovë.

Presidentja Osmani, kryekuvendari Konjufca si dhe kryeministri Kurti do të marrin pjesë edhe në hapje të ekspozitës kolektive në Bibliotekën Kombëtare të Kosovës në Prishtinë me fillim prej orës 13:00.

Homazhe pritet të bëjnë edhe autoritetet lokale si dhe përfaqësues të partive politike si dhe institucioneve të Republikës së Kosovës.

Aktivitete janë organizuar edhe në Prishtinë si dhe në qytete të tjera, ku veçohet aktivitetet në Krushë të Madhe, një fshat i cili ka pësuar shumë nga lufta e funditku në kompleksin memorial të këtij fshati do të bëhen homazhe në shenjë respekti e përkujtimi për viktimat e gjenocidit në Krushë dhe në të gjithë Kosovën.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë