Loading…

Ambasadori i Kosovës në Gjermani nuk dëshmon në detaje për rastin e Agon Musliut

  • 28/09/2020 | 16:31

Ambasadori i Kosovës në Gjermani nuk dëshmon në detaje për rastin e Agon Musliut

Ambasador i Kosovës në Gjermani, Beqë Cufaj përmes video-lidhjes ka dëshmuar në Komisioni Parlamentar në lidhje me menaxhimin e pandemisë nga ana e Qeverisë.


Ai në pyetjet e deputetëve ka refuzuar  të përgjigjet meqenëse rasti i Agon Musliut, të riut që vdiq në Qendrën e Studentëve, është duke u hetuar.

Pas kësaj ka reaguar kryetarja e Komisionit Mimoza Kusari-Lila, si dhe këshilltari ligjor i Kuvendit, Muhamet Bytyqi, të cilët kanë thënë se Cufaj ka të drejtë të mos përgjigjet në pyetje të caktuara por se është i obliguar që t’i përgjigjet thirrjes për të dëshmuar.

Edhe Bekim Haxhiu i PDK-së, ka reaguar, duke thënë se refuzimi që të dëshmohet para Komisionit është njëjtë si të refuzohet të dëshmohet para organeve të drejtësisë.

Cufaj është përgjigjur në disa prej pyetje të përgjithshme, por ka refuzuar që të flas për rastin e Agon Musliut.

“Për rastin në fjalë unë nuk përgjigjem”, ka thënë ai, derisa ka refuzuar të përgjigjet në pyetjen e deputetit Bekim Haxhiu, lidhur me dokumentet mjekësore të të ndjerit

Pas kësaj dëshmia e ambasadorit është ndërprerë me kërkesë të kryetares së Komisionit, Mimoza Kusari-Lila, e cila ka kërkuar nga zyra ligjore e Kuvendit që t’i dërgojnë Cufajt një opinion ligjor lidhur me obligimet që kanë dëshmitarë karshi Komisioneve hetimore parlamentare.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë