Loading…

Anëtarësimet në NATO, kërcënon Rusia: Britaninë e rrafshojmë për 200 sekonda dhe Finlandën për 10 sekonda

  • 14/05/2022 | 21:54

Anëtarësimet në NATO, kërcënon Rusia: Britaninë e rrafshojmë për 200 sekonda dhe Finlandën për 10 sekonda

Një zyrtar i lartë rus ka kërcënuar se me armët bërthamore që disponon Rusia, mund ta “rrafshojë” Finlandën për 10 sekonda dhe Britaninë për 200 sekonda.


Kreu i Komitetit të Mbrojtjes, Aleksey Zhuravlyov, i bëri këto deklarata disa ditë pasi Finlanda ka deklaruar se do të aplikojë për t’u bërë pjesë e NATO-s.

Vladimir Putin i tha më herët gjatë së shtunës, presidentit të vendit se po bënte një “gabim” duke aplikuar për t’u bashkuar me NATO-n kur të dy udhëheqësit folën në telefon

Aleksey Zhuravlyov, tha se ishte “absolutisht legjitime” që Rusia “të vërë në dyshim ekzistencën” e Finlandës. Ai u pyet nëse Rusia tani kishte nevojë të staciononte raketat e saj bërthamore duke përfshirë Sarmat – të njohur në Perëndim si Satan-2 – në kufirin me fqinjin e saj.

“Per çfarë? Nuk kemi nevojë”, u përgjigj ai.“Ne mund të godasim me një Sarmat nga Siberia dhe madje të arrijmë deri në Mbretërinë e Bashkuar . Dhe nëse godasim nga Kaliningrad, koha e arritjes është 200 sekonda , ndërsa në Finland arrin për 10 sek- kështu që vazhdoni djema.”

Në përgjigje të vendimit të Finlandës për t’u bashkuar me NATO-n, Rusia gjithashtu ndërpreu furnizimin me energji elektrike.

Megjithatë presidenti finlandez Sauli Ninisto i tha Putin se Finlanda do të aplikojë për anëtarësim në NATO në ditët e ardhshme. Ai i tha presidenti rus se lëvizjet e fundit nga Rusia, së bashku me pushtimin e Ukrainës, “kanë ndryshuar mjedisin e sigurisë në Finlandë”.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë