Anglia kundër Çekisë pa Mount e Chilwell

Dyshja e Chelseat do të kalojnë gjashtë ditët e ardhshme në karantinë, pasi kishin kontakte me shokun e skuadrës Gilmour.

Mason Mount dhe Ben Chilwell do të mungojnë në ndeshjen e fundit të Anglisë në fazën e grupeve në këtë Euro 2020, pasi që janë në vet-izolim për shkak të kontaktit me skocezin Billy Gilmour.

Mount dhe Chilwell kaluan kohë së bashku me Gilmour pas ndeshjes Angli-Skoci, rezultati i së cilës ishte 0:0, ku më pas u mësua se Gilmour kishte kontraktuar virusin Covid-19.

Vendimi që Gilmour të largohet nga grumbullimi i kombëtares ishte i menjëhershëm, ku tani Mount dhe Chilwell kanë hyrë në karantinë, kështu që në ndeshjen e sotme kundër Çekisë nuk do të mund të paraqiten, për shkak të rregullores anti-Covid-19.