Loading…

Anglia planifikon zhvendosjen e pacientëve në hotele, për të lehtësuar sistemin shëndetësor

  • 13/01/2021 | 16:02

Anglia planifikon zhvendosjen e pacientëve në hotele, për të lehtësuar sistemin shëndetësor

Sistemi i kujdesit shëndetësor në Angli mund të zhvendosë pacientët në hotele për të lehtësuar presionin mbi spitalet që luftojnë për të trajtuar rritjen e pranimeve të pacientëve me koronavirus, transmeton Gazeta Metro.


Sekretari i Shëndetësisë Matt Hancock tha se Shërbimi Kombëtar i Shëndetit po shikonte mënyra të ndryshme për të zvogëluar ngarkesën në spitale, duke përfshirë transferimin e pacientëve në hotele kur është e përshtatshme.

Diskutimet në lidhje me këtë çështje u raportuan së pari nga gazeta Guardian.

“Ne do ta bënim atë vetëm nëse ishte klinikisht gjëja e duhur për dikë,” tha Hancock për Sky News. “Në disa raste, njerëzit kanë nevojë për kujdes por nuk kanë nevojë të jenë në një shtrat spitali.”

Britania tashmë ka shpërthimin më vdekjeprurës të koronavirusit në Evropë, me mbi 83,000 vdekje, dhe numri i shtretërve spitalorë të mbushur nga pacientët me Covid-19 është akoma në rritje. Spitalet në Angli tani po trajtojnë 55% më shumë raste Covid-19 sesa gjatë pikut të parë të pandemisë në  prill./gazetametro.net

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë