Arifi për çështjen e presidentit: Kurti e propozon Osmanin vetëm nëse është i sigurt që s’votohet

Komentatori politik, Avni Arifi, ka folur për çështjen e presidentit, duke thënë se e vetmja mënyrë se si kryeministri i vendit, Albin Kurti, do ta propozonte presidenten aktuale, Vjosa Osmani, është nëse ai është i sigurt se kjo e fundit nuk votohet, transmeton Gazeta Metro.

Arifi në Rubikon në Klan Kosova, gjithashtu përmendi se Vjosa Osmani ka pasur gjithmonë një orientim pro-amerikan, gjë që ka penguar Kurtin.

“Ekziston një përkrahje e madhe për Vjosën tek militantët e VV-së, dhe ka edhe votues të partive të tjera që mendojnë se Vjosa është zgjedhja më e mirë. Kjo mund të ndodhë në momentin e fundit, kur e di që nuk do të zgjidhet, për të ruajtur kalkulimet e tij politike”, u shpreh Arifi.

Sipas Arifit, Osmani ka pasur gjithmonë një orientim pro-amerikan, gjë që nuk e ka pasur Kurti, dhe kjo e ka penguar Kurtin./gazetametro.net