Loading…

Arrestimet e para nga Specialja: Pas formimit të qeverisë së re

  • 22/10/2019 | 20:03

Arrestimet e para nga Specialja: Pas formimit të qeverisë së re

Sipas njohësve të sistemit të drejtësisë, arrestimet e para do të ndodhin pas formimit të Qeverisë së re, shkruan Gazeta Metro.


Gjykata Speciale gjatë ditës së sotme ka dërguar 7 ftesa për intervistim, ndërsa arrestimet e para pritet të ndodhin ditëve në vijim. Njohësit e çështjeve të drejtësisë, presin që aktakuzat e para të ngritën kur qeveri të formohet.

Gjykata Speciale me seli në Hagë ditëve të fundit ka shpeshtuar ftesat për të intervistuar kryesisht pjesëtarë të ish – Ushtrisë Çlirimtare të Kosovës. Sipas njohësve të sistemit të drejtësisë, aktakuzat e para prej Prokurorisë pritet të nisin së shpejti.

Arton Dehmhasaj nga organizata “Çohu” thotë se sapo të formohen institucionet e reja të vendit, pritet të ngriten aktakuzat e para nga Prokuroria e Dhomave të Specializuara në Hagë.

“Cikli i intervistave nga Gjykata Speciale po vjen duke përfunduar. Po mendoj se në momentin që të krijohet qeveria dhe një stabilitet politik mund të vijnë aktakuzat e para dhe njëkohësisht edhe arrestimet e para nga Gjykata Speciale”, deklaroi për RTV Dukagjinin, Arton Demhasaj.

Anton Nrecaj nga Qendra për Ndihmë Juridike dhe Zhvillim Regjional si periudhë të mundshme të ngrtijes së aktakuzave të para e sheh pranverën e hershme të vitit të ardhshëm.

“Sipas të gjitha gjasave, mbi bazën e asaj që po shohim, diku nga fillimi i pranverës së hershme mund të kemi aktakuzat e para”, deklaroi Nrecaj, përcjell Telegrafi.

E, nga Organizata e Veteranëve të Luftës së UÇK-së, thonë se rreth katër persona pritet të arrestohen deri në muajin nëntor. Ndërkaq kryetari i kësaj organizate, Hysni Gucati nuk i përjashton as protestat.

Numri i të ftuarve për intervistim ka arritur 110, pa llogaritur ata që nuk kanë qenë pjesëtarë të UÇK-së, apo që nuk kanë dashur të publikojnë ftesën e tyre me qëllim të ruajtjes së privatësisë./gazetametro.net

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë