Loading…

Arrestohen 10 persona nga Policia e Kosovës dhe DEA amerikane

  • 28/06/2017 | 16:49

Arrestohen 10 persona nga Policia e Kosovës dhe DEA amerikane

Policia e Kosovës në bashkëpunim me DEA-n amerikane në bashkëpunim kanë arrestuar dhjetë persona, 4 në Kosovë dhe 6 në New York, të dyshuar për krim të organizuar, bën të ditur Policia e Kosovës përmes një komunikate për media.


“Pas hetimeve të zhvilluara për një periudhë tremujore, Policia e Kosovës, Divizioni Kundër Krimit të Organizuar, konkretisht Drejtoria për Hetimin e Trafikimit me Narkotikë (DHTN) në bashkëpunim me DEA-n amerikane ka realizuar tri operacione policore. Hetimet janë zhvilluar në bashkëpunim të ngushtë me zyrtarët amerikan në mënyrë paralele në të dyja vendet. Dy operacione janë realizuar në Republikën e Kosovës (rajoni i Pejës) dhe një në New York. Në mbështetje të realizimit të operacioneve kanë qenë pjesëmarrës: Drejtoria e Njësive Speciale, Drejtoria për Mbështetje të Hetimeve, Drejtoria e Forenzikës dhe njësi të tjera policore të PK-së në koordinim me Prokurorinë Speciale dhe gjykatën kompetente”, thuhet në komunikatë.

PK thotë se operacioni i parë është realizuar më 18 qershor 2017 rreth orës 18:30, ndërsa operacioni i dytë është realizuar më 27 qershor 2017 rreth orës 19:45 në Klinë.

“Operacionet kanë rezultuar me arrestimin e katër personave në Kosovë dhe gjashtë personave në New York si dhe janë konfiskuar armë dhe prova të tjera materiale”, thuhet në komunikatë.

Personat e arrestuar në Kosovë janë:

  1. K. lindur me 1988 m/sh/k
  2. D. lindur me 1987 m/sh/k
  3. P. lindur me 1994 m/sh/k
  4. M. lindur me 1989 m/sh/k

Armët dhe dëshmitë tjera të konfiskuara janë:

  • 15 armë automatike AK-47
  • 120 fishekë, 7.62 mm
  • 1 anti-tank (zolla)
  • 1 pistoletë
  • 1 pushkë ajrore
  • 63000 € ( gjashtëdhjetë e tremijë euro)
  • 2 vetura
  • 4 telefona celularë

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë