Loading…

Arrestohen 3 hajnat nga Ferizaj që vodhën 8 mijë euro në një filial banke

  • 18/06/2019 | 18:35

Arrestohen 3 hajnat nga Ferizaj që vodhën 8 mijë euro në një filial banke

Tre persona janë arrestuar në Ferizaj, pasi që dyshohet se kanë vjedhur rreth 8 mijë euro në një filialë të Money Gram, më 28 korrik të vitit të kaluar, shkruan Gazeta Metro.


Zyra për informim e Policisë së Kosovës për rajonin e Ferizajt, ka bërë me dije se pas hetimeve intensive, hetuesit policorë të sektorit rajonal të hetimeve Ferizaj, kanë arritur që të identifikojnë tre persona të dyshuar për kryerjen e veprës penale të grabitjes.

Sipas njoftimit, hetuesit policorë gjatë zhvillimit të procedurës hetimore, kanë siguruar prova të mjaftueshme lidhur me kryerjen e kësaj veprave penale.

“Të dyshuarit, R.SH. (m/sh/k 22 vjeç), V.L. (m/sh/k 19 vjeç) dhe A.N. (m/sh/k 27 vjeç), më datën 28.07.2018, rreth orës 21:00 minuta, në Ferizaj rr. ‘Bajram dhe Gursel Sylejmani’ në filialën e Money Gram, të maskuar dhe nën kërcënim të armëve nga punëtori kanë grabitur rreth 8.000 mijë euro duke u larguar në drejtim të panjohur”, thuhet në njoftim.

Gjatë intervistimit, thuhet në njoftimin e PK-së, në prani të avokatëve mbrojtës, të dyshuarit kanë pranuar në tërësi veprën e kryer.

“Të dyshuarve, prokurori i shtetit ua ka caktuar masën e ndalimit për 48 orë. Dyshohet se të njëjtit kanë kryer edhe disa vepra të tjera të grabitjeve dhe vjedhjeve të rënda në Ferizaj dhe rrethinë ku janë duke u zgjeruar hetimet në këtë drejtim”, thuhet në njoftim./gazetametro.net

 

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë