Loading…

Arrestohet këngëtari kosovar, sulmoi policët e trafikut që i shqiptuan gjobë

  • 25/05/2022 | 20:43

Arrestohet këngëtari kosovar, sulmoi policët e trafikut që i shqiptuan gjobë

Sot u raportua për një rast të sulmit ndaj zyrtarëve policorë, në orët e para të mëngjesit në Gjakovë, pasi shqiptuan një gjobë për kundërvajtje në trafik ndaj një 42-vjeçari. I mllefosur me dënimin që mori, i dyshuari sulmoi policët, por që njësia policore arriti ta vë nën kontroll dhe ta arrestojë.


Burimet e Sinjalit brenda Prokurorisë kanë bërë të ditur se personi që u prangos nga Policia është këngëtari nga Gjakova Alban Shehu, i cili me aktvendim të Prokurorit të Shtetit është dërguar në mbajtje për 48 orë.

Ashtu siç raportoi Sinjali, rasti ndodhi pasi i dyshuari nuk kishte pranuar që të bashkëpunojë me Policinë dhe kishte filluar që t’i sulmojë policët fizikisht, me ç’rast njëri nga zyrtarët policorë pësoi lëndime trupore, për çka u desh të kërkonte ndihmë mjekësore.

Posa panë rrezikun që po u kanosej nga qytetari, policët morën masa parandaluese duke e arrestuar dhe shoqëruar në Stacion Policor të dyshuarin, i cili nuk ka dhënë deklaratë për shkak se ka qenë në gjendje të dehur.

Kujtojmë se jo rrallëherë zyrtarët policorë ballafaqohen me kërcënime serioze të cilat shumë herë eskalojnë edhe në sulme fizike ndaj tyre, duke ua vështirësuar punën e madje duke ua kërcënuar edhe jetën.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë