Arrestohet një serb pasi kërcënoi dy të tjerë në Leposaviq

Policia e Kosovës, ka njoftuar se, është arrestuar një person pasi që i njëjti ka kërcënuar dy persona të tjerë, shkruan Gazeta Metro.

---

Në njoftimin e PK’së bëhet e ditur se, viktima e parë e kërcënuar ka qenë një femër serbe, ndërsa në rastin e dytë, i dyshuari ka kërcënuar një mashkull serb.

I arrestuari është, B.DJ, mashkull serb, i lindur në 1981.

Njoftimi i plotë:

Arrestohet i dyshuari për kanosje të dy viktimave

Prishtinë,  6 qershor 2023

Policia e Kosovës më datë 06.06.2023, ka arrestuar të dyshuarin për dy raste të ndara, të kanosjes, ndaj dy viktimave në komunën e Leposaviqit.

Në rastin e parë, më datë  26.05.2023, viktima femër kosovare serbe kishte raportuar se ndjehet e kërcënuar nga i/të dyshuar meshkuj Serb. Viktima po ashtu ka potencuar se nga një i dyshuar mashkull serb ka pranuar një mesazh kërcënues si dhe sipas saj ka parë person/a të maskuar, me gurë, duke bërë lëvizje për rreth zonës ku e njëjta jeton.

Ndërsa në rastin e dytë  më datë 05.06.2023 viktima mashkull kosovar serb  ka raportuar se ishte kanosur me fjalë kërcënuese përmes telefonit nga i dyshuari mashkull kosovar serb.

Lidhur me rastet është identifikuar dhe arrestuar i dyshuari B.DJ., (1981), mashkull kosovar serb ndaj të cilit të gjitha veprimet e mëtejme do të ndërmerren në bashkëpunim dhe koordinim me organet e drejtësisë.

Policia e Kosovës mbetet e përkushtuar të hetoj të gjitha aktet kriminale dhe të parandaloj shfaqjen e dhunës. /gazetametro.net