‘Asociacionin e bën Kurti’, Molliqaj bën thirrje për protesta

Dardan Molliqaj, kryetar i Partisë Socialdemokrate, përmes një postimi në Facebook, ka ftuar të gjithë ata që janë kundër Asociacionit të bëhen bashkë në organizimin e protestave, shkruan Gazeta Metro.

Molliqaj, po ashtu ka thënë që sot u bë e qartë se Asociacionin e bën kryeministri Albin Kurti.

Postimi i plotë:

Kryeministri i Asociacionit

Direkt nga foltorja e Kuvendit, kryeministri e shpalli planin. Edhe për skeptikun e fundit, sot u bë e qartë që asociacionin e bën Albin Kurti. Por paska vendosur kushte për formimin e Asociacionit. Dhe kushtet që na i paska!

Kur ky thotë njohja si kusht, e ka fjalën për planin franko-gjerman. Kur ky thotë nuk ka asociacion monoetnik, po thërret që duhet t’i ndërrohet emri. Kjo është mënyra e tij e operimit. Nuk ka vend për befasi. Logjika doli zhveshur.

Plani dhe asociacioni u pranuan, kryeministër cila është dita e nënshkrimit? Tregoje datën!

Ftojmë të gjithë ata që janë kundër Asocaiacionit të bëhemi bashkë në organizimin e protestave. Kundërshtimi dhe organizimi janë në horizont. /gazetametro.net