Atentat me armë zjarri në Autostradën e Kombit

Një atentat me armë zjarri ka ndodhur një ditë më parë në autostradën Tiranë-Durrës, fatmirësisht pa pasoja në jetë njerëzish.

Sipas burimeve të Policisë, më datë 10.04.2017, rreth orës 21:30, tek nr i emergjencave 112, ka ardhur një telefonatë nga shtetasi E. M., i cili njoftin se në autostradën Tiranë-Durrës, një shtetas me motorr ka qëlluar me armë zjarri, raportojnë mediat në Tiranë.

Menjëherë janë nisur Shërbimet e Policisë të cilët kanë kontaktuar me shtetasin E. M., ku ka sqaruar se:

Rreth orës 19:50, ka qënë duke hyrë për në servis me automjetin e tij tip “Porsche”, kur është afruar një shtetas me një motorr papaq, i cili ka qëlluar në drejtim të tij dhe pasagjerit të automjetit shtetasit K. M., ku si pasojë është plagosur lehtë në dorë shtetasi E. M.

Grupi hetimor në vendin e ngjarjes po punon për identifikimin dhe kapjen e autorit të kësaj ngjarje.

Materialet proceduriale i’u kaluan Prokurorisë pranë Gjykatës së shkllës së parë Tiranë, për veprat penale “Vrasje e mbetur në tentative” dhe “Mbajtje pa leje të armëve luftarake”, parasikuar nga Nenet 76-22 dhe 278 të Kodit Penal.